फडणवीसांनी वायफळ बोलघेवडे पणा कमी करावा..!विरोधकांवर बेछूट आरोप करताना, फडणवीसांनी मुख्यमंत्री पदाची गरिमा जपावी, बोध्दीक दिवाळखोरी’चे प्रदर्शन करू नये..!!
⁃प्रदेश काँग्रेस’चे वरिष्ठ प्रवक्ते गोपाळदादा तिवारी यांची उपरोधिक टिका..!
पुणे दि २३ : मोदी – शहांना खुश करण्यासाठी, ‘काँग्रेस’वर सतत तथ्यहीन व बेमालूम टीका करण्याचा एक कलमी अजेंडा’ राबवण्याच्या नादात, फडणवीसांची राजकीय अपरिहार्यता समजू शकते, परंतू त्याच वेळी फडणवीस मुख्यमंत्री पदावर असल्याचे विसरत चालले असून त्यातुन आपल्या ‘बौध्दीक दिवाळखोरीचेच’ अधिक प्रदर्शन करतायेत, याची दया येते अशी उपरोधिक टिका महाराष्ट्र प्रदेश काँग्रेसचे वरिष्ठ प्रवक्ते गोपाळदादा तिवारी यांनी केली..!
ते पुढे म्हणाले की, उठता बसता काँग्रेस’ला दुषणे देण्याच्या नादात.. २०२३ सप्टेंबर मध्ये लोकसभेत (जवळपास एकमताने) मान्य झालेल्या ३३% महीला आरक्षण विधेयकात, परीसीमन (डी लीमिटेशन) विधेयक मान्य झाल्या शिवाय (विद्यमान ५४३ जणांच्या संसदेत) ‘महीला आरक्षण देऊ नये’, असे कुठेही नमुद केले नसल्याची, माहिती फडणवीसांना तरी किमान असायला हवी अन्यथा, महीला आरक्षणास काँग्रेस’चा विरोध असल्याचे निर्बुद्धपणे सांगत, फडणवीस आपली पुन्हा – पुन्हा बोध्दीक दिवाळखोरीच का जाहीर करत आहेत..? असा सखेद आश्चर्य जनक सवाल काँग्रेस राज्य प्रवक्ते गोपाळदादा तिवारी यांनी केला.
