चंदनसावरगाव | प्रतिनिधी
चंदनसावरगाव, ता. केज, जि. बीड येथे नगराचे नामकरण ‘संघर्षयोद्धा मा. मनोज दादा जरांगे पाटील नगर’ असे करण्यात आले. या नगर नामकरण सोहळ्याला मराठा सेवक, माता-माऊली, युवक, ज्येष्ठ नागरिक तसेच समाजबांधवांची मोठ्या संख्येने उपस्थिती लाभली.
मनोज दादा जरांगे पाटील यांच्या सामाजिक कार्याला आणि मराठा आरक्षणाच्या आंदोलनातील भूमिकेला समर्थन व्यक्त करण्याच्या भावनेतून हे नामकरण करण्यात आल्याचे आयोजकांकडून सांगण्यात आले. नामकरण सोहळ्यामुळे परिसरात उत्साहाचे वातावरण निर्माण झाले होते.
या वेळी उपस्थित समाजबांधवांनी एकजूट, सामाजिक बांधिलकी आणि स्वाभिमानाची भावना व्यक्त केली. माता-माऊली, युवक आणि ज्येष्ठ नागरिकांसह विविध स्तरातील नागरिकांनी उत्स्फूर्त सहभाग नोंदविल्याने सोहळ्याला विशेष स्वरूप प्राप्त झाले.
‘संघर्षयोद्धा मा. मनोज दादा जरांगे पाटील नगर’ हे नामकरण सामाजिक एकजूट, संघर्ष आणि बांधिलकीची आठवण जपणारे ठरणार असल्याची भावना उपस्थितांनी व्यक्त केली.
या ऐतिहासिक सोहळ्यास उपस्थित राहून सहकार्य व सहभाग नोंदविलेल्या सर्व समाजबांधवांचे आयोजकांच्या वतीने मनःपूर्वक आभार मानण्यात आले.
🚩 जय जिजाऊ | जय शिवराय 🚩