टाटा मोटर्सने दक्षिण आफ्रिकेतील बाजारपेठेत ‘टाटा ऑस्प्रे’ SUV केली लॉन्च
जोहान्सबर्ग, 4 सप्टेंबर 2026: भारतातील आघाडीच्या वाहन उत्पादकांपैकी एक असलेल्या टाटा मोटर्स पॅसेंजर व्हेईकल्स लिमिटेड (TMPVL) ने दक्षिण आफ्रिकेतील आघाडीच्या ऑटोमोटिव्ह समूह मोटस होल्डिंग्स यांच्या भागीदारीत दक्षिण आफ्रिकेच्या बाजारपेठेत बहुप्रतिक्षित टाटा ऑस्प्रे (आंतरराष्ट्रीय बाजारपेठेत टाटा नेक्सॉन म्हणून ओळखली जाणारी) ही SUV लॉन्च केली. उत्कृष्ट दृष्टी, सामर्थ्य आणि बदलत्या परिस्थितीशी जुळवून घेण्याची क्षमता असलेल्या पक्ष्यापासून प्रेरित असलेल्या ‘ऑस्प्रे’ या नावाला दक्षिण आफ्रिकेच्या वैविध्यपूर्ण भौगोलिक परिस्थितीशीही सुसंगत अर्थ आहे. टाटा ऑस्प्रेची सुरुवातीची किंमत R249,900 असून, ती दक्षिण आफ्रिकेतील अधिकृत TMPVL डीलरशिपमध्ये उपलब्ध असेल.
या लॉन्चचे महत्त्व अधोरेखित करताना, TMPVL ने दक्षिण आफ्रिकेत आपली नवी जागतिक, ग्राहक-केंद्रित ब्रँड ओळख ‘TATA.CARS’ देखील अधिकृतपणे सादर केली. गतिशीलता ही संधी, साहस आणि आत्मअभिव्यक्तीचा मार्ग ठरू शकते, या विश्वासातून TATA.CARS ही ब्रँड ओळख साकारण्यात आली आहे. लोकांनी अधिक दूरवर जावे, मोठी स्वप्ने पाहावीत आणि आपल्या क्षमतेच्या नव्या शक्यता खुल्या कराव्यात, या साध्या विश्वासावर TATA.CARS आधारित आहे.
या नव्या ओळखीच्या केंद्रस्थानी ‘Nothing’s Too Far’ हे ब्रँडचे आश्वासन आहे. याअंतर्गत TATA.CARS, TMPVL च्या वाढत्या पॅसेंजर व्हेईकल पोर्टफोलिओला एका धाडसी आणि भविष्योन्मुख ओळखीखाली एकत्र आणते. जगभरातील 70 लाखांहून अधिक ग्राहकांच्या विश्वासावर ही नवी ब्रँड ओळख उभी आहे.
टाटा ऑस्प्रेच्या लॉन्चप्रसंगी बोलताना टाटा पॅसेंजर इलेक्ट्रिक मोबिलिटी लिमिटेडचे चीफ कमर्शियल ऑफिसर श्री. विवेक श्रीवत्स म्हणाले:
“TMPVL चा आंतरराष्ट्रीय व्यवसाय मजबूत वाढीच्या मार्गावर आहे आणि दक्षिण आफ्रिकेच्या बाजारपेठेत आमचे पुनरागमन हा या प्रवासातील महत्त्वाचा टप्पा आहे. गेल्या वर्षी येथे चार दमदार मॉडेल्स सादर केल्यानंतर, आता केवळ एक उत्कृष्ट उत्पादन – टाटा ऑस्प्रे – घेऊनच नव्हे, तर ‘Nothing’s Too Far’ या विश्वासावर आधारित आमची नवी जागतिक ब्रँड ओळख TATA.CARS घेऊन परतताना आम्हाला आनंद होत आहे.
जागतिक स्तरावर टाटा नेक्सॉन म्हणून ओळखली जाणारी ऑस्प्रे ही भारतातील सलग तीन आर्थिक वर्षे (FY22 ते FY24) सर्वाधिक विक्री होणारी SUV ठरली आहे. आतापर्यंत 11 लाखांहून अधिक कुटुंबांना आरामदायी, सुरक्षित आणि आनंददायी प्रवासाचा अनुभव देत तिने भारतातील सर्वात प्रतिष्ठित वाहनांपैकी एक म्हणून आपले स्थान निर्माण केले आहे. सुरक्षा, तंत्रज्ञान आणि डिझाइनच्या बाबतीत सातत्याने नवे मापदंड निर्माण करण्यासोबतच नाविन्यपूर्ण तंत्रज्ञान व्यापक ग्राहकवर्गासाठी सुलभ करण्यावर आमचा सातत्यपूर्ण भर राहिला आहे. जवळपास दशकभर सातत्यपूर्ण बाजारपेठीय नेतृत्व कायम ठेवणारी अशी मोजकीच वाहने आहेत. ही प्रतिष्ठित SUV नव्या ओळखीसह दक्षिण आफ्रिकेत आणताना आम्हाला आनंद होत असून, यामुळे येथील ग्राहकांसाठी नव्या शक्यतांचे दरवाजे खुले होतील.”
दक्षिण आफ्रिकेतील ग्राहकांप्रती TMPV ची बांधिलकी अधोरेखित करताना टाटा मोटर्स पॅसेंजर व्हेईकल्स लिमिटेडचे हेड – इंटरनॅशनल बिझनेस, श्री. यश खंडेलवाल म्हणाले:
“ऑस्प्रे ही नेतृत्वाची मजबूत परंपरा पुढे घेऊन जाणारी SUV आहे. मोठ्या प्रमाणातील ग्राहकांना आकर्षित करणारे गुण, महत्त्वाकांक्षी डिझाइन आणि सक्षम कामगिरी यांचा अनोखा मिलाफ ऑस्प्रेला विविध बाजारपेठांमधील ग्राहकांसाठी एक आकर्षक पर्याय बनवतो. आम्हाला दक्षिण आफ्रिकेत ऑस्प्रेचे चार व्हेरिएंट्स सादर करताना आनंद होत आहे. यामुळे ग्राहकांना विविध वैशिष्ट्ये आणि किंमत श्रेणींमध्ये निवड करण्याची संधी मिळेल. आकर्षक डिझाइन, आपल्या वर्गातील आघाडीची कामगिरी आणि सुरक्षितता यांसह ऑस्प्रे विविध जीवनशैली आणि गरजांशी सहज जुळवून घेण्यासाठी तयार करण्यात आली आहे. दक्षिण आफ्रिकेतील ग्राहकांकडून या SUV ला उत्स्फूर्त प्रतिसाद मिळेल आणि ती आपल्या सेगमेंटमध्ये नवा मापदंड निर्माण करेल, असा आम्हाला विश्वास आहे.”
कार्यक्रमाला संबोधित करताना टाटा मोटर्स पॅसेंजर व्हेईकल्स साऊथ आफ्रिकेचे CEO, श्री. थाटो मगासा म्हणाले:
“दक्षिण आफ्रिकेच्या बाजारपेठेत टाटा ऑस्प्रेचे स्वागत करताना आम्हाला खूप आनंद होत आहे. आमच्या उत्पादन पोर्टफोलिओला अधिक सक्षम करत ग्राहकांसाठी आकर्षक नवीन पर्याय उपलब्ध करून देण्याच्या दिशेने आम्ही पुढे जात आहोत. टाटा ऑस्प्रेचे वैशिष्ट्यपूर्ण डिझाइन, अत्याधुनिक तंत्रज्ञान आणि मजबूत सुरक्षा वैशिष्ट्ये दक्षिण आफ्रिकेतील ग्राहकांसाठी तिला एक आकर्षक पर्याय ठरवतील, असा आम्हाला विश्वास आहे. यासोबतच TATA.CARS या नव्या जागतिक ब्रँड ओळखीच्या सादरीकरणामुळे या प्रवासाला आणखी बळ मिळाले आहे. दक्षिण आफ्रिकेतील आमची उपस्थिती विस्तारत असताना ही धाडसी नवी जागतिक ओळख ब्रँडला अधिक मजबूत स्थान मिळवून देईल.”
