द ऑर्बिस स्कूल्सचा CBSE इयत्ता १२ वीच्या निकालात उल्लेखनीय यशाचा अभिमानास्पद उत्सव

द ऑर्बिस स्कूलने शैक्षणिक वर्ष २०२५–२६ मधील CBSE इयत्ता १२ वी बोर्ड परीक्षेतील विद्यार्थ्यांच्या उल्लेखनीय यशाचा अभिमानाने गौरव केला आहे. केशव नगर आणि मुंढवा या दोन्ही कॅम्पसमधील विद्यार्थ्यांनी उत्कृष्ट कामगिरी करत शाळेची शैक्षणिक गुणवत्ता, सर्वांगीण विकास आणि विद्यार्थ्यांच्या यशाप्रती असलेली कटिबद्धता पुन्हा अधोरेखित केली आहे.

विद्यार्थ्यांनी संपूर्ण वर्षभर दाखवलेली सातत्यपूर्ण मेहनत, शिस्त आणि जिद्द यामुळे हे यश शक्य झाले असून, शिक्षकांचे समर्पित मार्गदर्शन आणि सकारात्मक शैक्षणिक वातावरण याचीही मोठी साथ लाभली.

प्रत्येक शाखेतील गुणवंत विद्यार्थ्यांनी आपल्या उज्ज्वल यशाने नवे मानदंड निर्माण केले असून ते इतर विद्यार्थ्यांसाठी प्रेरणास्थान ठरत आहेत.

द ऑर्बिस स्कूल, केशव नगर:

● सायन्स : आयुष बिस्वास – ९५.६%
● कॉमर्स : वेद विनीत जैन – ९५.२%
● ह्युमॅनिटीज : कारुण्या अंकलेकर – ९६.६%

द ऑर्बिस स्कूल, मुंढवा:

● सायन्स : हयग्रीव राजेश शर्मा – ९६.२%
● कॉमर्स : तनुश्री रविकांत पार्वती – ९४%

द ऑर्बिस स्कूल्सच्या डायरेक्टर प्रिन्सिपल सौ. गुंजन श्रीवास्तव यांनी विद्यार्थ्यांच्या यशाबद्दल आनंद व्यक्त करताना सांगितले:

“आमच्या सर्व विद्यार्थ्यांचे मनःपूर्वक अभिनंदन. आज त्यांच्या यशाचा आनंद साजरा करताना आम्हाला केवळ त्यांच्या निकालाचा नव्हे, तर या यशामागील संपूर्ण प्रवासाचा अभिमान वाटतो. ही कामगिरी म्हणजे शिस्त, चिकाटी आणि सामूहिक प्रयत्नांचे उत्कृष्ट उदाहरण आहे.

आमच्या समर्पित शिक्षकांचे मी विशेष अभिनंदन करते. विद्यार्थ्यांमध्ये जिज्ञासा निर्माण करणे, विषयांची सखोल समज विकसित करणे आणि आत्मविश्वासाने शैक्षणिक आव्हानांचा सामना करण्यासाठी त्यांना सक्षम बनवणे हे त्यांचे कार्य खरोखरच कौतुकास्पद आहे. तसेच पालकांचेही मनापासून आभार, कारण त्यांनी शाळेसोबत खांद्याला खांदा लावून विद्यार्थ्यांच्या प्रत्येक टप्प्यावर मोलाची साथ दिली. सर्वांचे हार्दिक अभिनंदन!”

द ऑर्बिस स्कूल, केशव नगरच्या प्रिन्सिपल सौ. फरीदा हरियानावाला यांनी आपल्या भावना व्यक्त करताना सांगितले:

“आमच्या विद्यार्थ्यांनी मिळवलेल्या उत्कृष्ट निकालाचा आम्हाला अत्यंत अभिमान आहे. विद्यार्थ्यांची शिस्त, प्रामाणिक मेहनत आणि शिक्षकांचे सातत्यपूर्ण मार्गदर्शन यामुळे हे यश शक्य झाले आहे. पालकांच्या सहकार्याचाही या यशामध्ये महत्त्वाचा वाटा आहे.

यावर्षी मूल्यांकन प्रक्रिया OSM या नव्या प्रणालीद्वारे पार पडली आणि त्याचा सकारात्मक परिणाम गुणपद्धती व एकूण कामगिरीमध्ये स्पष्टपणे दिसून आला. विद्यार्थ्यांचे, शिक्षकांचे आणि पालकांचे त्यांच्या एकत्रित प्रयत्नांसाठी मनःपूर्वक अभिनंदन. सर्व विद्यार्थ्यांच्या उज्ज्वल भविष्यासाठी आम्ही शुभेच्छा देतो.”

द ऑर्बिस स्कूल, मुंढव्याच्या प्रिन्सिपल सौ. स्मिता पेंढारकर यांनी सांगितले:

“इयत्ता १२ वीच्या विद्यार्थ्यांची ही उल्लेखनीय कामगिरी त्यांच्या समर्पण, चिकाटी आणि सातत्यपूर्ण मेहनतीचे फलित आहे. विद्यार्थ्यांचे प्रयत्न, शिक्षकांचे मार्गदर्शन आणि पालकांचा पाठिंबा या तिन्ही घटकांच्या एकत्रित योगदानामुळे हे यश शक्य झाले आहे.

हे निकाल केवळ गुण नसून विद्यार्थ्यांच्या मेहनतीची आणि जिद्दीची ओळख आहेत. आपल्या ध्येयासाठी प्रामाणिकपणे प्रयत्न करणाऱ्या प्रत्येक विद्यार्थ्याचा शाळेला अभिमान आहे. सर्व गुणवंत विद्यार्थ्यांचे हार्दिक अभिनंदन आणि त्यांच्या उज्ज्वल, यशस्वी भविष्यासाठी मनःपूर्वक शुभेच्छा.”